Starfsgreinasambandið hefur útbúið nýjar reiknivélar sem félagsmenn og aðrir geta nýtt að vild. Reiknivélarnar eru orðnar yfir 10 talsins og eiga fleiri eftir að bætast við innan tíðar meðfram þróun á þeim sem fyrir eru. Með reiknivélunum geta notendur m.a. fengið yfirlit yfir kjarasamningsbundnar launahækkanir, áætlað útborguð laun, reiknað út orlofs- og desemberuppbætur o.fl. Reiknivélunum er skipt eftir því hvort fólk starfar á almennum vinnumarkaði, hjá sveitarfélögum eða ríkinu. Athugið að reiknivélarnar eru með fyrirvara um mögulegar villur.